無綫歌唱選秀真人騷節目《聲夢傳奇》進入白熱化階段，昨晚一集誕生5強，分別是「人氣王」炎明熹（Gigi）、「國民初戀」姚焯菲（Chantel）、鍾柔美（Yumi）、冼靖峰（Archie）及何晉樂。臨近決賽，Gigi與「死敵」Chantel鬧出「內訌」，事緣前者成為學員內部所選的「票后」，她本人則睇好Yumi奪冠，golden goose sneakers完全當Chantel冇到，令她當堂扁嘴兼黑面！

《聲夢》昨晚播出準決賽，Gigi、Chantel、Yumi、文凱婷、冼靖峰及何晉樂進入生死戰，爭入5強。經過比試後，最後文凱婷被Foul走，其餘5人進身明日的決賽爭冠軍。據知決賽當晚身為「星級舞台指導」的張敬軒不會到場，將交由重量級歌手莫文蔚接棒。

而《聲夢》官方頻道上載一段由15位學員搶先選出心水冠軍的片段，當中Gigi以10票大比數拋離Chantel，成為學員心目中的「冠軍」，Archie則以2票成為「亞軍」。Chantel與Yumi一同訪問「票后」Gigi有何感想，期間Chantel讚Gigi大突破，又問她睇好誰奪冠，Gigi衝口而出揀選Yumi，大讚對方唱歌有吸引力、跳舞夠吸睛，氹得Yumi笑到挨在她身上，Chantel聽到卻扁晒嘴，又「喊晒口」問到：「點解你唔揀我？」片段尾聲，Yumi與Gigi一唱一和，指Chantel是「國民初戀」肯定會贏，但搞到她黑晒面，似乎未到決賽已率先「內訌」！

暗嘲經驗不足？

昨日Gigi與Yumi孖公仔偕其餘4位學員蔡愷穎、潘靜文、張馳豪及孫漢霖出席活動，吸引數百粉絲撐場，Chantel則缺席。對於沒有揀Chantel為冠軍，Gigi解釋：「因為佢好少參賽，甚至好似冇，佢要累積經驗，一齊進步變得更好。」問到當選「票后」，對奪冠是否更有信心？她謙稱：ecco shoes「呢個階段個個隊友都有信心。」獲Gigi睇好的Yumi則表示：「去到呢個階段冇話想唔想攞獎，依家已經好滿足、好開心，會享受喺台上做好自己。」

Yumi練歌等開騷

2人現時似乎很熟落，Yumi笑說：「其實我本身同Windy、Chantel最Friend，但分組唔知係咪想拆散我哋，想我哋同其他隊友熟啲。我一開始同Gigi唔係咁熟，但之後經歷淘汰戰，有啲朋友離開咗比賽，所以依家都幾Friend。」她們強調友誼第一、比賽第二，Yumi續說：「我哋15個參賽者一齊經歷好多嘢，攞唔攞獎都會Keep住關係。」Gigi亦表示：「我哋友誼增進咗好多，唔想因為攞獎而破壞關係。」講到《聲夢》一班學員與導師將於8月在麥花臣場館開騷，她們聞言大表驚訝：「真係㗎？好開心！一定會加緊練習。」

《聲夢傳奇》3位大熱炎明熹、姚焯菲及鍾柔美鬥得難分難解，由於優點各異，分別擁有聲、色、藝而備受追捧！當中炎明熹獲網民一致推舉為天后接班人，不但是「民選冠軍」，亦是兩位勁敵心中的「冠軍女神」，搞到她壓力爆煲失眠！無論最後哪一位跑出，3朵小花年輕又有才華，絕對是樂壇一股新力量！

香港樂壇近年出現斷層，青黃不接情況下，無綫音樂選秀節目《聲夢傳奇》出現一股新勢力，hey dude shoes個個只有十多歲，前途無限！當中大熱炎明熹（Gigi）、姚焯菲（Chantel）及鍾柔美（Yumi）唱得、跳得兼省鏡，可謂全方位的未來小天后。

打從半年前開始訓練至經歷多次淘汰賽，3女各自創出自我風格，成功吸納大量Fans。當中出名唱功了得的Gigi年僅16歲，被喻為「少女G.E.M.」，憑紮實唱功及感染力成為人氣選手，早前演唱林憶蓮《沒有你還是愛你》，短片錄得逾170萬點擊，被陳奐仁大讚Fantastic！其後她演繹譚詠麟的《愛情陷阱》，又被讚台風十足，網民對其唱功給予高度評價，睇好她成為天后接班人，更指樂壇未來20年會是她的天下！她日前偕Chantel及Yumi接受本報訪問時，亦被兩位勁敵睇好奪冠呼聲高，但她似乎沒甚信心，更被一片讚好聲音搞到壓力爆煲失眠！

兼顧學業冇得抖

就讀中四的Gigi忙於應付考試，又要兼顧比賽，坦言只能「盡做」：「一有時間就溫書，不停Loop試題，到埋位拍嘢就放低本書。（好大壓力？）係呀！未搵到減壓方法，搞到身體狀況差，集中唔到。」對於外表Cool到爆，每次上台都像信心十足，她連聲否認：「好記得第一集，我喺出場前一刻都未決定點唱，諗住乜都唔好理就唱，結果Load唔到爆咗，好似撞埋牆咁！」首集失準的她其後愈戰愈勇，收復失地。

面對後來居上、翻唱林珊珊《戀愛預告》錄得逾300萬點擊的14歲「國民初戀」Chantel，以及同齡、演繹Cookies《心急人上》的Yumi，Gigi直言不容有失：「一個係『跳唱女神』，一個係『國民初戀』，而我唔知自己係乜。每人有自己風格，睇大家口味，個個都有機會成為冠軍。」在旁的Chantel及Yumi即同聲說：「你咪『冠軍女神』囉！」嚇得她耍手擰頭，場面搞笑。

Chantel無意拍拖

至於人靚聲甜兼家境富裕的Chantel，出入有父母陪伴，絕對是掌上明珠！對於參賽初期已被起底，她表示零壓力：ecco shoes「我都係專注比賽好啲，冇時間兼顧其他嘢。（被封『國民初戀』？）我未拍拖，亦唔會諗呢樣嘢住，唱情歌都係諗住自己隻狗仔，加上背景係粉紅色，先帶到呢個甜蜜訊息出嚟。」而精於跳唱的Yumi自言抱平常心，沒太大壓力，更每日瞓夠10個鐘，令飽受失眠困擾的Gigi極為羨慕。

談到賽後是否順理成章簽約做歌手，3女希望專注學業，課餘時間則全程投入唱歌，又想組成女團多於獨立發展，Chantel說：「組合可以Share壓力，一個會孤伶伶。我好想跳唱，好佩服Yumi，唔知點解可以做到，其實就咁唱已經好難。」Gigi亦附和：「上次同3個女仔跳都覺得好難，所以想挑戰吓，希望Yumi教吓我哋。」