周志康江嘉敏《過街英雄》拍出火花 人父周志康唔做怪獸家長望女兒有快樂童年
《過街英雄》劇照
喺2009年，「細孖」周志康與「大孖」周志文參加無綫歌唱節目《超級巨聲》，雖然比賽成績麻麻，但仍成功入行。雖然二人個樣極度相似，但感情方面卻大大不同，大孖有無數嘅緋聞女友，女伴如車輪轉；而細孖就非常專一，2014年當時只得26歲就已經同老婆奉子成婚，到而家已經生咗兩個囡囡，一家四口樂也融融。
《過街英雄》劇照
近年周志康事業開始有啲氣色，疫情前有唔少賺外快嘅機會，近排又有份做《過街英雄》飾演富二代Lucas，與江嘉敏甚有火花。近年收入尚算穩定嘅周志康，喺接受傳媒訪問時就話為咗令家人有更好生活，努力賺錢，而老婆Emily就負責管理財政。周志康話老婆鍾意買屋企野同小朋友日用品，所以有時會用多咗錢，而佢寧願慳自己。因為佢知道照顧兩女兒係好辛苦，所以份「糧」應該高啲。
周志康與太太結婚6年間中都會爭拗，但周志康認為夫婦間唔好因為嘈交而傷感情，由於老婆性格倔強，所以好多時候都由周志康作出讓步，不過佢話老婆已經改變咗好多。對於小朋友讀書問題，大女下年入讀小一，但周志康抱住順其自然態度，唔做怪獸家長，冇報面試班，更加唔想用填鴨式催谷小朋友，周志康幫大女揀傳統小學，鼓勵小朋友多元發展，佢希望兩個女都有快樂嘅童年。
周志康
周志康
周志康
周志康
周志康
