陳楨怡夢想搞畫展 馮盈盈經營「副業」 企足7粒鐘
前港姐冠軍馮盈盈出名瓣數多多，最近經營「副業」做推銷員，推介其設計的首飾，並指試過1日企足7粒鐘，為「處女作」搏盡！而陳楨怡專程到場支持師姐，希望將來自己都可以開畫展。
馮盈盈昨日現身藝術博覽會，宣傳其設計的首飾，邀得好友陸浩明及前港姐亞軍陳楨怡撐場。向來有佩戴水晶習慣的盈盈，dr martens boots指疫情令很多人出現不快及焦慮，而水晶有安撫心靈作用，希望推廣給大眾：「設計咗3款水晶手鏈，個名攞個諧音叫『晶凝系列』，總共做咗25條，其中一款加入咗我收藏多年、宋代嘅純金波波，所以只得1條，仲加入咗新科技元素，用『以太幣』拍賣形式畀大家競投，暫時叫價去到3.2個以太幣（約9萬港元）。」
開拓新財路
她笑言以往不知搞展覽如此辛苦：「因為訪客會有唔同問題，例如水晶資料，甚至係文化背景嘅問題都有，仲要用埋兩文三語，尋日首日展出，我喺會場企足7個鐘。」她坦言想在演藝事業以外，嘗試開拓另一條財路，steve madden shoes例如設計首飾甚至創業。
她自爆邀請陳楨怡原因，是對方曾修讀建築學及藝術設計，希望對其作品給予意見，亦想將來一齊合作。而陳楨怡感激盈盈邀請，喜見好友的作品參加展覽：「我一直都好想有自己嘅展覽，細細個已經夢想搞畫展。」
