Posts Tagged ‘ 楊思琦 ’
藝人楊思琦上月揸車被另一部車欄腰撞擊，她頭及頸均告受傷，休息多天後她今日第一日復工，拍攝ViuTV節目《中女唔易做》，現場見她頸梗梗，她表示頭暈了3至4日，至今仍然頭痛，要食止痛藥，2個星期後要覆診，配合針灸中西合璧治療。
她指撞車時仔女和媽咪在車內，平日女兒坐車會挨着車門玻璃，好彩撞車當刻囡囡沒有挨玻璃，否則不單止撞傷手。她說：「女有嚇到喊，airbag彈出嚟嚇親，（受傷損失工作？）原本撞完第二日有工作，可惜要取消，總之有捐失，希望之後搵番啲工作，同埋全家健康。」
問到老公有否呵番，她有點避忌，表示這問題好難答：「因為我頭痛瞓唔到，佢有安慰吓，頭痛就幫唔到我。（佢幫手照顧仔女？）屋企人都有幫手。」節目中她擔任「散打王」，一人兼做幾份工包括珍珠奶茶店、花店、生果店和派傳單。她指選港姐後只打過電視台一份工，笑言現「打」得最多。
藝人楊思琦與羅霖接受清談節目《Master’s Talk師父有請》訪問。談到當年「嫁入豪門」，羅霖坦言：「當時冇諗過同佢（前夫劉坤銘）結婚，我18歲就做空姐，見識過豪華生活，初初對佢冇乜感覺。（人哋覺得你湊大3個仔好堅強。）離婚唔係一朝一夕，我忍咗好多年，贍養費係零。起初只係帶細仔離開，不過大仔同二仔主動帶行李跟我，變相負擔愈嚟愈大。」她指二仔有次從外國放假返港，對着她說：「呢幾年辛苦你喇！」她邊說邊哽咽，身旁的思琦都聽到感動落淚。
至於楊思琦當年未婚懷孕，震驚娛圈，她坦言：「生小朋友係我嘅打算，同對方（前男友吳帥）有問題冇再喺埋一齊……件事好簡單，我唔覺得有幾震撼。佢冇喺經濟上支援囡囡，咁我負擔到就冇問題。不過當時被追訪，都擔心前路茫茫，我唔係驚人哋點睇，最緊要有飯食。」
楊思琦 於2001年港姐競選中奪冠，入行多年拍攝過多部劇集，現為一女之母，不經不覺今年8月便踏入40歲！不過「39+1」又有咩好怕？楊思琦今年推出首本個人寫真集《Miss Szeki 2018》，佢早前赴馬來西亞五日四夜取景拍攝，換上差不多20套靚衫，當中不乏小背心、泳衣、睡衣等性感造型！
楊思琦多年樣貌身材都keep得非常好，34D、24、34身材噴血依然，出名童顏的思琦仲係成個後生女咁，實在令人羨慕！思琦回覆傳媒時表示以前一直想推出寫真，為青春留倩影，不過以前在TVB時未有機會。剛巧有出版社早前搵佢，所以就一拍即合！
楊思琦又稱今次拍攝過程都頗為辛苦，因為要由朝曬到晚，幸好拍攝效果相當理想，攝影師將自己最靚、最自然的一面呈現出來。思琦同時強調寫真集唔係賣弄性感，而係以美感為主；另外亦有文字配合，跟讀者分享自己在不同階段的成長及內心世界。
楊思琦今次寫真集賣到幾多本唔係最重要，最主要係完成到一件自己多年來想做的事，而且寫真集扣除成本後的收益將會捐給慈善機構，可謂一舉兩得！
