《愛·回家》「東涌羅浩楷」利愛安背後有佛光 搶鏡演出獲網民讚賞
被封為「佛祖」及「東涌羅浩楷」嘅今年落選港姐利愛安（Kirsten），喺首輪面試憑獨特樣貌和氣質突圍而出，備受網民關注，雖然Kirsten喺首輪面試止步，不過都被無綫睇中簽約做藝人，早前更火速加入《愛·回家之開心速遞》劇組開工。asics shoes雖然佢喺早前已經登場，不過戲份唔多，直至噚晚（3日）嗰集Kirsten飾演嘅「工人姐姐」Naomi終於成為主要角色，更獲網民大讚表現出色。
噚晚劇情講到譚道德（陳榮峻飾）及老婆譚何容儀（吳香倫飾）工作繁忙，所以佢哋打算聘請家傭幫手處理家務問題。而譚道德對家傭要求極高，更列出多個要求，例如五官端正、起碼要有5呎6吋高、單身、文靜及熱愛中國文化，最好就擁有大學學歷。Liza（姜麗文飾）聽完之後就介紹了同鄉Naomi（利愛安飾），而譚道德第一次見到Naomi嘅時候，Naomi背後竟然出現「佛光」，譚道德亦對佢非常滿意，決定聘請佢。Naomi入主譚家後，譚道德教佢書法同念詩，二人相處非常融洽，令容儀不滿，最後仲出「陰招」搞到Naomi離開譚家。
唔少網民原本以為佢會因此成為長駐角色，可惜最後被趕出譚家，keen shoes不過相信佢之後仍然會不時喺劇中出現。唔少網民睇完佢噚晚嘅表現都留言大讚佢嘅表現，例如「Hi lenarbata 妳都演得很好呀！」、「利愛安真係好好戲，可以接替田蕊妮做視后！」、「Watched ! You are doing well」及「Your acting is so natural」等等。另外，仲有網民提議「開條線比Lisa同Naomi啦！講下菲傭生活趣事啦！姜麗文扮演菲傭姐姐維肖維妙，節奏感很好，我家的印姐姐都笑到碌地！」。
