Archive for the ‘ 香港 ’ Category
「人氣王」姜濤今天22歲生日，一班「姜糖」早前已包下電車車身廣告，打造「姜濤號」為偶像賀壽。財力雄厚的「姜糖」送上的當然不止「小小心意」，生日應援更是浪接浪，fans club日前公告會在全港7幢大廈的巨型LED廣告牌賀壽，姜濤居住的銅鑼灣便有4個打卡地點，連帶電車、車站廣告及地鐵站廣告等，難怪Fans笑言要將銅鑼灣打造成「姜濤灣」！向來愛錫Fans的姜濤，也趁21歲最後一天感謝「姜糖」支持，在限時動態寫道：「謝謝大家為我做的一切，我都有看到！」
此外，ViuTV節目《考有Feel》昨晚及今晚播出最後兩集，MIRROR及ERROR再次總動員，兩隊每勝出一回合可獲得現金獎，在遊戲「跣上任務」中，在旁觀戰的姜濤為贏獎金，不惜一切從場外撲向肥仔、阻肥仔完成任務，肥仔則用力將姜濤拉入場，姜濤跣腳搞到滿頭肥皂泡，筋疲力盡後搞笑搶去ERROR隊自製的白旗表示投降。
蔡卓妍（阿Sa）、周栢豪、衛詩雅及陳家樂等前晚出席英皇電影《感動她77次》首映禮，英皇集團主席楊受成及太太都有到場支持，電影拍完3年終於上映，阿Sa和栢豪都表示很開心，阿Sa被問到好姊妹鍾欣潼（阿嬌）脹爆亮相內地節目，她指阿嬌之前有荷爾蒙失調，但不會多講她的身形，最重要是阿嬌開心和健康。
鍾欣潼（阿嬌）去年撞傷眉角，休養後已回復靚樣，早前在內地綜藝節目《怦然心動20歲》中大談愛情觀念，而在最新曝光的一輯宣傳片段中，驚見她脹爆現身，身形急增不止一個碼，以往的V臉都變得圓圓的，不少人都擔心阿嬌是否內分泌失調或與之前雪卵有關。好姊妹蔡卓妍（阿Sa）前晚出席英皇電影《感動她77次》首映禮時就指阿嬌之前有荷爾蒙失調：「最重要是健康，她之前是有荷爾蒙失調。（會關心一下她嗎？）她自己知道，女仔不要經常講，會有壓力，最重要是開心和健康。」阿Sa的兩隻愛犬最近先後離世，問到心情是否已平服？她眼紅紅表示早上才送走牠們，畢竟大家相處了很多年，需要時間平復心情，又說不想多講這個話題，怕會控制不了情緒。
揀C君做另一半
講到新戲終於上映，阿Sa和栢豪都表示很開心，雖然現在因疫情關係不能走埠宣傳，但他們都積極在網絡上推廣，務求吸引觀眾入場支持。阿Sa在戲中被3位男士包括周栢豪、C君和泰國男神馬里奧毛瑞爾追求，她在台上表示現實中會選C君做另一半，因為二人同一日生日，很有緣分。問到是否不揀靚仔？她說：「我覺得C君好靚仔。（不怕男友傷心？）講之嘛，又不是真的，C君都結了婚。」
詩雅拒搵家樂按摩
另外，陳家樂表示最近夜晚好無聊要煲劇，剛好和衛詩雅齊齊追看同一部劇集，經常討論劇情，互相慰藉，問到是否因為女友連詩雅不在香港才覺得無聊？他即尷尬地說：「不講這些，低調點。（公司不准拍拖？）一向都不講。（連詩雅向你隔空派心？）咩隔空？總之現在好開心好穩定，我剛剛拍完《金手指》，所以有空閒時間就做運動、下廚和煲劇。」衛詩雅則指家樂最近健身成果顯著，她也被感染跟 健身，但早前操到手痛，問對方借了按摩槍按摩，但按摩槍太重又嘈沒有用，記者提議詩雅找家樂幫她按時，她即笑着拒絕，指家樂太惹火，好危險。
樂壇天后容祖兒與前度劉浩龍分手後，前晚首度公開同場現身，但全程零交流零接觸。為免2人成為焦點，大會避開他們同框的尷尬，浩龍更被當成隱形人，由宣傳海報到大合照，統統「被消失」！
容祖兒與劉浩龍（師兄）2012年公開戀情，但這段「女尊男卑」的關係一直不被看好，至2018年宣布玩完，雖然2人聲稱再見亦是朋友，但私下已沒甚聯絡。前晚他們同處內地一個晚宴擔任表演嘉賓，久別重逢但同場不相見，既沒有重拾昔日情誼開心交談，甚至零交流！
後台自我「隔離」
祖兒前晚為護膚品牌在深圳蛇口舉行的Annual Dinner擔任嘉賓，同場竟出現其舊愛師兄，據知2人分手後首度在公開場合齊齊出現，但卻是前後腳登場，師兄是第2個表演嘉賓，而祖兒則壓軸。獲大會天后級款待的祖兒，有獨立貴賓房裝身及休息，與其他嘉賓「隔離」，據知她與師兄在後台零交流，甚至未有見面打招呼。
因內地真人騷《乘風破浪的姐姐2》而人氣急升的祖兒，剛忙完節目就病倒，要看醫生服藥，但她未有放低工作，活動接完一個又一個，雖然敬業樂業，但很多Fans都擔心她捱不住。當晚她以一襲露背晚裝索爆上陣，甫出場即掀起全晚高潮，她一口氣連唱《隆重登場》、《痛愛》及《揮着翅膀的女孩》3首金曲，期間親切地與台下Fans握手，狀態甚佳，網民大讚她雖然帶病態美，但絲毫沒有影響發揮，有如「行走的CD機」。
海報合照冇影
其實當晚的表演嘉賓還有打頭陣的梁漢文及關楚耀，台下亦有不少藝人撐場，包括羅霖、麥玲玲、梁競徽、李璨琛等，但最離奇是大會的宣傳海報連藝人趙永洪都有份，偏偏不見獲安排獻唱的師兄，令人莫名其妙，有指是大會刻意安排，以免製造不必要話題。緊接梁漢文出場的師兄，西裝骨骨演唱其經典作《思覺失調》，大受歡迎，不少Fans爭相與他握手，他在社交網上載身在晚宴的獨照，寫道：「今晚我係一個行政人員。」而在趙永洪上載的嘉賓與客戶大合照中，同樣不見師兄的身影，疑避開與前度祖兒同框的尷尬，有如隱形人一樣。
「大美人」李嘉欣對造型一絲不苟，每次出席公開場合均令人眼前一亮。她在社交網上載與丈夫許晉亨的合照，作中性打扮的她，穿黑色Bra Top打底，外加螢光黃色外套配銀色閃爆長褲，大晒事業線和纖腰，Sharp爆全場！其一頭直髮配上Cool爆表情，有型有款。未知是否氣場太勁，許晉亨影相時刻意彈開，好讓老婆盡展個人美態。
廖碧兒與百億富商男友盧啟賢關係撲朔迷離，早前男方將她降呢為「好友」，又跟囡囡稱呼她為「Auntie」，女方「報復式反擊」自爆身邊多追求者，人龍猶如跑馬拉松一樣長！談及擇偶條件，她否認睇錢至上，拒絕做「出租女友」！
42歲女星廖碧兒（Bernice）入行以來緋聞不絕，身邊男伴如車輪轉，位位非富則貴，暫時她情歸坐擁百億身家、曾有過一段婚姻的盧啟賢。日前她接受本報專訪時大談愛情觀，4年前她考獲國際品酒認證Level 3資格，更是紅酒酒莊的莊主，坦言希望另一半同樣是好摸酒杯底之人，有共同話題︰「一齊飲梗係開心，起碼佢識得欣賞、品嘗。因為屋企做飲食，而且自己本身又鍾意飲飲食食，睇我骨骼精奇就知啦！大家都鍾意就變咗有話題，其實係生活嘅一部分。」她同意公開戀情，但大前提要尊重對方︰「因為另一半未必係做呢行，其實想公開咪公開，最重要係溝通。」
以酒比喻男士
期間她自爆現時有好多追求者，數量猶如跑馬拉松的長度︰「做我哋呢行有桃花係啱嘅。」不過她笑言未Feel到裙下之臣發動猛烈追求攻勢。問到追求者是否被她以往的富貴男友嚇怕，有錢才能贏在起跑線？她秒速否認是拜金女，極力反對用金錢衡量另一半，此舉會顯露小女人一面，並指追求者欲奪她芳心，一切取決於心意︰「唔係一定要用錢追我，送親手做嘅手作仔都可以打動我。」她冧爆稱一直鍾情成熟、穩重型，並以品酒師身份評論男士，理想對象等同酒界中有烈酒王之稱的威士忌︰「冇添加雜質、濃度高，最好係愈擺愈純！」
拒做出租女友
自認思想傳統的Bernice，對於現今世代的「速食文化」有另一睇法，她直言難以接受時興的Part-time Girlfriend（出租女友）︰「之前同班後生仔做節目，停機嗰陣聽佢哋講依家有呢一樣嘢（出租女友），我真係唔得，你可能話我好老土，但我真係接受唔到呢啲咁前衞嘅交往方式。」而她就像普通人一樣享受跟男友拍拖的甜蜜時刻，認定對方才開始交往，絕對不是玩泥沙般兒戲。
【星島日報報道】由香港十家電影公司合資開拍的電影《總是有愛在隔離》正在上映，其中一場重頭戲是重現經典港產片《大丈夫》的場面，梁家輝和曾志偉分別飾演九叔和天哥在酒店內被隔離，但他們不愁寂寞，喬裝檢疫人員，穿梭於不同房間，為房客檢疫，發生不少趣事！
當中有一幕是梁家輝遇上周秀娜，她更要換上低胸健身服，在梁家輝面前跳繩，見到周秀娜上圍不斷晃動，非常吸睛！雖然梁家輝大飽眼福，但就要被周秀娜瘋狂掌摑，令周秀娜很不好意思，而梁家輝就叫她：「你用力打啦！放心打！」工作人員事後即為梁家輝敷冰，娜姐連番說不好意思，「我見他的臉又紅又腫，除了sorry和對唔住我都不知道可說甚麼，家輝哥很專業，每一次他都叫我放心打，不過看到家輝哥要不停敷冰就有點心痛。」
前亞姐冠軍韓君婷承擔了亡母高達40萬的醫療費，在經濟低迷的情況下月復月還債，勉強維持生計，惟近年因從事的美容工作欠前景，轉型做KOL及在網上帶貨的她收入不穩定，最後未能清還餘下的20多萬債務，要申請破產。
充滿正能量的君婷樂觀面對困境，日前被發現憔悴行街，與友人聚會獲「包食包飲」，總算得到照顧。她昨日受訪時表示會重新出發：「報道出街後得到好多朋友嘅關懷，又有觀眾睇我帶貨、幫襯我買嘢、請我飲咖啡。我要重整一下人生，即使好大壓力，我都會積極面對，最近亦已經搬離威威（蔡國威）屋企，其他嘢唔想回應咁多，亦唔好問我住邊，因為我想保留番啲私隱！」
至於蔡國威透露：「佢啱啱搬走咗一個星期，其實2年前佢搬嚟我屋企都只係過渡期，我已經盡咗能力，無論喺住、日常生活開支各方面，幫得幾多得幾多。佢搬之前同我講已經搵到理想工作，自己養到自己。我都唔知佢搬去邊，但作為朋友，會祝福佢之後有精彩嘅人生！」
【星島日報報道】「WEE are Ronald Cheng Drive in Ultra 鄭中基自駕演唱會2021」前晚於中環海濱活動空間舉行頭場演出，鄭中基在台上感歎香港樂壇「重女輕男」，戲言Mirror、林家謙、姜濤和胡鴻鈞都無啖好食，胡鴻鈞更是瘦到連腮骨都無，反而女歌手如鄭欣宜、 蘭、林二汶等從沒有餓過，又讚姜濤年紀輕輕很識諗，相信香港歌手可以成為亞洲第一，他更呼籲歌手和樂迷要一條心，樂壇就不會死。
鄭中基首場演唱會請來RubberBand擔任嘉賓，主音6號應鄭中基要求即場宣布解散，又要求他用廣西話來宣布他們復出，鄭中基也暴龍哥上身，更以「呢條橡膠筋」稱呼RubberBand，全場爆笑。鄭中基又感歎香港樂壇「重女輕男」，他說：「大家不要以為Mirror好紅，你們有所不知，他們無啖好食，林家謙真人好瘦，一號風球會叫他不要出街，免得被吹走。」接 提到姜濤，熒光幕播出姜濤當年的肥仔相和胡鴻鈞的新舊照對比，「姜濤細個幾好肉地，但現在幾瘦，真的無啖好食，又再睇睇胡鴻鈞，他更大鑊，瘦到連腮骨都無，好陰公。」
嘲欣宜 蘭無餓過
之後熒幕播出鄭欣宜、 蘭、林二汶和Serrini的照片，指她們一看就知從來無餓過，他說：「當然大家知我是講笑，我希望大家可以一直供養香港歌手，姜濤年紀輕輕很識諗，大家給我們機會，相信香港歌手可以成為亞洲第一！所以歌手和樂迷要一條心，樂壇就不會死。」其後唱出《樂壇已死》，當柳應廷（Jer）在台上現身時即惹來全場尖叫。
鄭中基太太余思敏在完騷後接受訪問，她表示現場氣氛好好，她和一對仔女下午已到場，因為他們要上學，老公又為個唱搬到酒店暫住，仔女都很想念爸爸，故一放學就到場為他加油打氣，問到她給演唱會幾分？她說：「爆分！姐姐和細佬都看得很投入。」
鄭裕玲（嘟嘟）主持嘅電台節目搵咗蕭正楠做訪問，大談入行經過、拍劇經歷等，被嘟嘟問到同老婆黃翠如嘅愛情故事時，阿蕭都好大方分享！當講到翠如性格男仔頭時，阿蕭笑言：「你見洪永城點對佢就知啦！」
講起洪永城，又點可以唔提佢同翠如嘅關係？兩人一直被外間認為曾經係拖友，甚至當時一張拖手行紅地氈嘅相，更引起網民熱烈討論，指兩人先係天造地設嘅一對！估唔到連嘟嘟都非常好奇，自爆以前同翠如拍《Do姐去Shopping》時，得閒就會「盤問」對方：「有冇同洪永城拍過拖？出咁多次外埠，冇理由冇嘅！」就係翠如同洪永城Friend到實在令人懷疑，阿蕭都自爆話有問過翠如：「冇喎佢話，其實佢哋兩個係有啲介乎討厭對方…哈哈…但討厭得嚟又好啱Key！」
而嘟嘟再自爆，曾經私下問過洪永城同樣嘅問題：「佢話開頭嘅時候，有少少嘅…因為呢個女仔靚嘛，又白雪雪，但合作起嚟就唔得喇，成個男人咁喇，自此之後咁嘅感受完全冇晒，所以你（阿蕭）可以放心！」此時阿蕭就為老婆出頭：「佢又唔應該咁話佢（老婆），佢都唔係咩好東西，洪永城！！！」
嘟嘟笑言依家熱戀中嘅洪永城肥咗好多，隨即被阿蕭取笑做「肥洪」。而最後問到會唔會生B時，阿蕭就話順其自然，佢哋都鍾意周圍飛，當如果有小朋友，人生就要重新規劃！
「100毛」的東方昇向來語不驚人誓不休，殺出新血路，最近耗資逾5,000萬元興建的觀塘海濱音樂噴泉咁Hit，佢帶齊架撐去朝聖，話想試吓個水力，最後搽晒梘液未沖身就要走……
撰文:東方新地 圖片:100毛直播截圖
政府耗資半億建成的觀塘海濱音樂噴泉於4月22日正式啟用，東方昇想早去早享受，帶住東女郎同沖涼用品前往，仲話要實地沖個涼，試吓噴泉水力夠唔夠勁。
現場有很多小朋友在玩水，東方昇的加入令現場氣氛變得高漲，東方昇更邀請小朋友為他擦身，又分派沖涼用品及玩具泡泡槍與民同樂。
東方昇音樂噴泉當浴場，仲即場直播如此破格，吸引逾7千人睇，網民邊睇邊笑，不過亦有人鬧他冇公德心。
東方昇玩了大約十分鐘，滿身梘液都未洗得清，有康文署職員現身指他不能在噴泉當眾沖涼，東方昇與對方爭論，表示個噴泉自己有份出錢起，這時亦有在場市民不滿東方昇身上的梘液會跣親小朋友，東方昇見好就收，才決定離場。
麥明詩（Louisa）喺2015年拎到香港小姐冠軍後一直備受力捧，拍劇、節目主持，甚至喺大騷司儀統統都有佢份，不過佢喺當紅時期就話娛樂圈係好玩，但就越嚟越無安全感，覺得同世界脫軌一樣，所以佢就喺2019年11月棄做無綫親生女改簽一年一騷嘅「綠葉約」，仲做埋商業顧問工作，不過佢嚟緊將會復出拍劇。
復出頭炮並唔喺幫無綫拍劇，反而喺拍亞視一套30集網劇。今日有報道指今次新劇係由《金枝欲孽》、《天與地》前無綫神級監製戚其義主理，由亞洲心動娛樂（AMM）香港區副總裁林文龍親自出面問樂小姐借人，由於係網劇而唔係免費頻道所以同無綫無抵觸，樂小姐都大方放人，就連2019年港姐亞軍兼最上鏡小姐王菲都有份演出；而其他演員就包括黃又南、麥子樂、黃德斌、林耀聲、陳雅麗、黎紀君等，聲勢浩大，極具新鮮感。
麥明詩喺無綫最後一套劇集《殺手》演視障人士嘅演繹令人眼前一亮，仲得到伍詠薇出post大讚有意外驚喜同埋非常欣賞佢。麥明詩離開無綫後一直都令劇迷期待，監製戚其義向傳媒承認已邀請麥明詩復出，新劇將喺下月開拍；麥明詩接受訪問就話一直都好欣賞戚其義，監製承諾喺一個月內拍完，所以佢今次可以拎有薪假期同喺工餘時間參與拍攝，唔影響工作之餘仲可以keep到演戲興趣，表示好期待。
MIRROR成員之一的Jer柳應廷出名唱功好有音樂才華，不過入得MIRROR形象都好緊要，出道時被花姐指個樣好唔得的Jer，經過大執後愈來愈有自己風格，可惜粉絲似乎不太滿意偶像愈來愈濃妝，而罪魁禍首就是……
Jer於18年參加《全民造星》，不過第一round就被foul走，獨具慧眼的花姐覺得他是可造之材，並認為MIRROR需要唱得之人，Jer被選中入MIRROR。曾被花姐指樣唔討好的Jer，經過一輪大改造後，變成有自己風格的歌手。
MIRROR話晒都是人氣男團，雖然有顏值代表姜濤、Frankie等靚仔，但做偶像都要講形象，花姐一開始就找來專業的化妝團隊為MIRROR設計妝容，每次見人前都化妝set頭。
不過Jer日漸濃厚的妝容就惹來粉絲不滿，日前他為陳志雲的網上節目做嘉賓，有粉絲在網上留言指Jer太濃妝似C9(師奶)，甚至有人話佢同楊千嬅撞樣……
粉絲批評Jer的妝唔掂，罪魁禍首當然是Jer的化妝師，由18年開始已經跟《全民造星》的化妝師Circle就首當其衝，因為她是主力為MIRROR化妝的人，既然粉絲反應麻麻，唔知化妝團隊又會唔會從善如流輕手一點呢？
MIRROR雖然個個都係花美男，不過男團最講究形象，由《全民造星》開始，經理人花姐已經搵Annie G Chan團隊負責MIRROR的化妝工作，而Circle在MIRROR正式出道前已是化妝團隊中的其中最重要一員。
MIRROR成軍後，12子工作量不一，姜濤是最受歡迎的一個，幾乎隔日就有廣告拍攝及其他工作，Circle與她見得面多自然感情亦最深，就好像姐姐照顧細佬一樣，最令人羨慕當然是可以因工作之名親近姜濤啦！
入行已8年半的Circle未畢業已決心做化妝師，其師傅Annie G Chan對這位高徒讚不絕口，指她不但化妝技巧掌握得好，工作態度勤快認真，現在主要負責MIRROR ERROR化妝團隊，統籌工作都管理得頭頭是道，而且和對人及與客戶的關係都很好。
莫文蔚（Karen）為咗紀念出道25周年，2018年特別舉辦《絕色莫文蔚世界巡迴演唱會》，走遍40個城市進行巡唱，而香港尾站就原定喺上年舉行巡唱，但因為上年疫情關係延期至今年6月11日舉行一連兩場嘅紅館個唱。上星期《絕色莫文蔚世界巡迴演唱會香港站》海報終於曝光，Karen身穿華麗短裙，高舉手上咪高峰好興奮咁跳起，雖然官方話係模仿網球員抽擊嘅動作, 但一眾網民就覺得佢似百變小櫻或者係小忌廉多啲。其實Karen以前嘅演唱會海報都俾到唔少驚喜觀眾，而家就同大家重溫一下啦！
網民認為莫文蔚已經50歲，但海報嘅設計構圖、顏色，再加上穿搭風格都比較少女，所以網民都唔太滿意，紛紛留言話：「地獄Poster設計…」、「百變小櫻」、「勁似拎住支抹窗刮影相」、「張poster真心娘」、「天后跌左落凡間嘅感覺」及「張 poster⋯⋯係震撼嘅，以為係惡搞post」等等。
部分演唱會海報：
「男神」陳家樂和前港姐冠軍黃嘉雯驚爆拍劇傳，雖然當事人矢口否認，但爆料陸續有來！有讀者提供4張「有圖有真相」的照片，更指2人用同系列的情侶手機殼，暗示關係曖昧。而身在內地的家樂女友連詩雅終於表態，明顯對自己「正印」地位有信心。
陳家樂和黃嘉雯（Carmaney）被傳因合拍無綫劇《把關者們》而生情愫，女方疑介入家樂與女友連詩雅（Shiga）的戀情。雖然家樂稱只是工作上認識，而Carmaney對傳聞感莫名其妙，只視對方為前輩，他們私下沒有聯絡。可是昨日再有讀者報料，附上2人分別偕《把》劇演員劉穎鏇、孔德賢、吳珮如及陳熙蕊等的大合照，明顯戲內戲外家樂跟Carmaney有交流。而另外兩張相是家樂和Carmaney各自的自拍照，2人雖身處不同空間，但所用的手機殼卻是同一系列款式，令傳聞疑幻疑真。
陳自瑤：唔方便答
至於Shiga在內地趕拍新劇《黑金風暴》，對於被指戀情現暗湧，昨日她透過經理人回覆：「不回應。」似乎無視男友緋聞，對自己的「正印女友」地位充滿信心。另外，陳自瑤（YoYo）昨日出席無綫活動時，聞得閨蜜Shiga戀情疑起波瀾，她即單手掩嘴，並反問：「係咩？」繼而耍手擰頭說：「我呢排真係好忙，有單咁嘅新聞我都唔知，唔好問我，我唔識答亦唔方便答。」她承認有跟Shiga聯絡，不覺得好友不開心。
網民不時將無綫真人騷歌唱比賽《聲夢傳奇》同ViuTV《全民造星》比較，雖然《聲夢傳奇》未有太大迴響，但參賽者仍然成為話題，尤其喺14歲參賽者姚焯菲（Chantel）。最近佢更直認自己唔識人氣爆登嘅姜濤，引起網民不滿，紛紛喺社交平台留言話佢咩都唔識。
姚焯菲喺首集《聲夢傳奇》俾星級導師衛蘭同泳兒大讚有星味、可愛，不過就以9分跌入淘汰區，直至最後俾拎8分嘅潘靜文取代，姚焯菲有半集時間都喺鏡頭前爆喊，一度成為網民話題，更指「全晚大頭鏡最多係佢，TVB用心良苦」、「你見今集得佢個背景咁靚就知栽培佢啦」、「我覺得佢將來紅梗（緊）」及「聲音辦識度高」等等。
留言多數係好評，不過就狠批姚焯菲嘅言論，先係早前李克勤首次喺特備節目《聲夢前傳》以主理人登場後，直指自己唔知李克勤叫咩名：「我認得佢個樣，但就唔係幾知佢叫乜名，當佢介紹自己時，我就記得原來我爹哋成日聽佢啲歌。」；最近佢又表示自己都唔係好認得人氣王姜濤，因為平日都係聽英文歌多：「有聽過，但係唔太清楚，會喺廣告見到佢，個名寫住姜濤，但係我唔係好知道佢係邊個，冇乜聽過。」
言論一出，姚焯菲嘅社交平台即充滿網民對佢嘅批評，明顯對佢14歲、唔聽廣東歌等藉口唔賣帳，例如「起碼我認識姜濤嘅名，但我唔知邊個係 Chantel」、「乜人都唔職，又唔聽廣東歌，咁你參加香港歌唱比賽做乜」、「雖然十四歲，但要參加比賽都要做下功課，李克勤又話語識，對樂壇一D都唔了解」及「香港娛樂圈有咩前輩乜都唔知唔識就返去大陸發展啦」等等。當然，亦有留言叫佢加油、唱歌好好聽等正面評價。
馬德鐘兒子馬在驤高大又靚仔，去年被爆已封盤，女友是美國女飛魚Marissa，兩人志趣相投，同樣愛游泳。原來Mariss來頭不少，據指她是美國學界尖子，於佛羅里達國際大學畢業，GPA高達3.8分！而她現於美國華盛頓大學修讀「安全政策研究」碩士，專研國家安全及反恐工作，而她曾於美國政府做實習生。
而Marissa在泳界同樣利害，她原本代表美國俄亥俄州爭取奧運入場券，但因疫情關係，未知能否順利入閘。
5歲女童Z與其8歲兄長X自2016年底開始，長期遭生父及繼母嚴重體罰，當他們一家搬到繼外婆家居住後，小兄妹更疑遭虐待，在5個月內除遭掌摑、藤條拖鞋責打及罰站外，更要捱餓、罰食殘羹、罰跪不准睡覺，還要玩「飛高高」和「扮超人」遊戲，被拋上天花板及左右搖晃，結果終致女童因傷口受感染引致敗血症死亡。而繼外婆就對兄妹受虐視而不見。女童的生父繼母，在上周二(13日)被裁定謀殺罪成；至於繼外婆的4項殘暴對待兒童罪，其中2項涉及忽略Z和其兄長X罪名成立。高院原訟庭法官黃崇厚今午(20日)依例判處生父及繼母終身監禁，而2人承認的2項殘暴對待兒童罪則被判監9年半，並與謀殺罪同期執行；繼外婆則判監5年。
3名被告依次為死者女童Z和其兄長X的父親(29歲，運輸工人)、繼母(30歲，家庭主婦)和繼外婆(57歲，會計文員)。首被告和次被告被裁定於2018年1月6日，在香港謀殺女童Z罪名成立。第三被告則被裁定2項殘暴對待兒童罪成，控罪指她於2017年8月至2018年1月期間，對Z和X負有管養及照顧責任，但故意忽略兩人。
據控方案情指，繼母與她上一段婚姻所生的女兒Y，於2016年底起與X和Z的生父及其家人同住，那時兩人已開始虐打該兩兄妹。至2017年8月，兩夫婦與3名子女搬往繼外婆家後，X及Z繼續遭到生父繼母虐待，包括以藤條拖鞋責打身體及臉部、被掌摑、要罰站罰抄，及即使冬天亦要在客廳睡袋。兩兄妹又要被罰捱餓、食生父繼母及Y食剩的飯菜等。控方指繼外婆曾多次目睹兩兄妹被虐待亦視若無睹，更曾同以藤條責打兩兄妹。另外，生父繼母亦曾與兩兄妹大玩「飛高高」和「扮超人」遊戲，在Z死前一天更玩「飛高高」致Z頭部撞到天花板並發出聲響。
控方指Z和X就讀的學校自2017年9月起，不時發現2人身上有不同傷勢，且曾詢問繼母，她除解釋是丈夫責打2人造成，有時又稱是兩兄妹自行弄傷。之後Z及X先後於同年10月底及12月底沒有再上學，生父更向Z就讀的學校申請停學。2018年1月6日，生父繼母報警指Z暈倒，救護員到場後最終證實Z已死亡。法醫證實Z因其身體傷口受細菌感染出現敗血症致死。
傳統荷里活片廠要開源節流，不時傳出裁員或關閉旗下子公司消息，反觀近年冒起嘅串流平台就洗錢如倒水，次次買片出價都創新高！早前Netflix宣布以天價投資2集《神探白朗》系列電影，又密密無停手投資大量劇集；另一串流平台Amazon亦不停大手筆買版權、開拍劇集！
Amazon確認開拍改編自J.R.R. Tolkien同名小說《魔戒》劇集，並確定於紐西蘭取景拍攝。近日紐西蘭經濟發展及旅遊部長Stuart Nash接受訪問時透露，Amazon計劃於當地開拍5季《魔戒》劇集，單係首季預算已經高達4.65億美元（相等於36億港元），將會成為史上最貴製作費嘅劇集！
要將《魔戒》故事成真確實花費不菲，單係小說版權就高達2.5億美元，佔咗預算一半。加埋要起多個中土世界村落及場景，仲有大量特技化妝、戲服及後期製作，需要大量人手製作，單係人工都唔少嘢！減咗版權費，2億幾美元製作費依然驚人，因為當年神劇《權力遊戲》堪稱最貴劇集，第1季都只係用咗1億美元！
《權》推出之後大受歡迎，戲中演員片酬跟住水漲船高，劇集去到後期越拍越貴，依家《魔戒》首季就用2億幾拍，之後4季點收科？不過據聞啲場景往後幾季繼續用，理論上除非片酬大增，否則應該唔會好似《權》咁不停加大製作費。
《魔》咁大舊錢轟落去紐西蘭度拍，為當地製造過千個就業機會，偏偏當地反應兩極。因為紐西蘭政府會提供1.14億美元嘅稅務寬減，變相用納稅人嘅錢補貼《魔戒》拍攝。由於成本太高，紐西蘭財長就表明今次單deal有「明顯財務風險」，不過旅遊部長就認為《魔戒》場景足以吸引世界各地嘅fans去朝聖，實搵得返咁話！
20年前由Peter Jackson執導嘅電影《魔戒三部曲》成功將小說嘅中土世界化成實體，事隔多年開拍劇集版，相信一眾《魔戒》迷要求更高，億億聲嘅製作費除咗整靚啲景同特效，劇本都好緊要，得個靚字而故事薄弱，最後拍唔足5季的話，紐西蘭朋友真係多得Amazon唔少！
花蓮縣壽豐鄉昨（18）日晚間22時11分發生芮氏規模5.8的地震，結果22時14分又再發生芮氏規模6.2的地震，讓全台都有感，不少在地花蓮人都連忙跑出來外面避難。對此，就有網友分享自己地震當時在自家樓下社區，沒想到看到有女生只穿「比基尼」衝出來，讓他看傻眼！貼文引發熱議。
原PO在「爆廢1公社」貼文指出「地牛翻身，22時11分連續二強震地，剛好在社區樓下，原本以為地震只會震出地震魚，沒想到還震出一條穿比基尼的美人魚，請問該怎麼上前認識？在線等」。
只見貼出的照片，女子穿著紅色的比基尼出現在馬路上，腳上還穿著拖鞋，看起來相當倉促的就外出，除了背面露出屁股蛋以外，正面更是大秀好身材，此畫面讓原PO看的是臉紅心跳，拍照時手超抖，照片呈現模糊的樣子。
▲網友分享自己在地震發生當時在自家社區樓下，沒想到卻看到有女生穿比基尼跑出來。
貼文一出，網友紛紛朝聖回應「….誰在家穿比基尼啦」、「這也太好笑了吧」、「朝聖+1，廣大網友能神出正妹？」、「哪個社區啊，也來去看看能不能遇到比基尼美人魚」、「這個問題不是在於妹子跑出來，而是誰在家穿比基尼？」、「半夜十點在家穿比基尼，朝聖一波」、「笑到不行」、「真的傻眼欸…半夜在家穿比基尼？」
【星島日報報道】資深演員王鍾有傳日前病逝，終年74歲，將於下周二（20日）於紅磡寰宇殯儀館設靈，翌日出殯。王鍾原名為姜佩君，與胞弟王青（大口青，原名姜佩清），因自幼喪父，便跟隨母親投靠外祖父，並在外祖父成立的「王家班雜技團」演出。後來到香港發展後，加入邵氏電影公司，初期為武師，其後轉戰幕前。
王鍾活躍於1970至1980年代，除了為麗的電視演出過以警匪為題材的《大丈夫》、《大控訴》外，更演出過超過80套電影。在80年以自編自導自演電影《金手指》，開創了香港電影警匪題材寫實風的先河，其後亦執導過《流氓公僕》、《老虎出監》、《長短腳之戀》等電影。不過王鍾在90年代淡出娛樂圈，有指他移居澳洲，近年回流返港，在2005年曾為電影《黑社會》客串灣仔話事人「吹雞」一角。
