新美心妹Keicy：我好貪靚！
自美心妹妹Celine（楊鎧凝）之後，廣告界、傳媒界湧現多位新童星小model，個個精靈可愛，近日有位小妹妹特別搶手，經常在大小商場活動曝光，她名叫胡梓盈Keicy，去年為美心拍攝裹蒸廣告彈出，被稱為新美心妹妹！Keicy活潑可愛得人歡心，最叻唱歌跳舞多才多藝，但最鍾意都是扮靚， 喜歡做小model都因為自己好貪靚：「有得化妝同着靚衫。」幕後有做開服裝設計的媽媽幫手扮靚，每次出席活動及拍攝工作，都會扮到最靚上鏡咁識做Keicy梗係搶手啦！
胡梓盈小檔案
英文名：Keicy
年齡：4歲(2010年11月18日)
家庭成員：父母、一妹一弟
嗜好：唱歌、跳舞、扮靚、食
曾拍攝廣告： 美心、ODM watch , SDM Jazz & ballet Academies、Somewear Sunglasses等
部分獎項：中華未來之星廣東總決賽幼兒組金獎、最佳才藝獎
第七屆全港學生公開朗誦比賽英語金獎、粵語銀獎
中華未來之星廣東總決賽幼兒組金獎、最佳才藝獎
2014全港幼兒英文歌唱比賽冠軍
三姊弟的性格中，Keicy 和弟弟屬活躍派， 妹妹較文靜，但她好喜歡跟姐姐玩， 姐姐一做曳事，她就會一齊曳曳。
想生夠四個
現年四歲的Keicy來自大家庭，爸爸Gary及媽媽Fiona喜歡熱鬧，四年抱三，妹妹叫Kassy，弟弟Gasper，父母仍想再添丁，覺得四小孩才夠圓滿，第四個最好是男仔。「兩個家姐係sister好開心，生咗個仔後湊夠『好』字，但又覺得佢寂寞，連Keicy都叫我生多個細佬，佢話自己有妹妹陪，但細佬冇好悶。」Fiona滿心歡喜道。如果第四個都是女，豈不是一直追下去？「唔會，頂盡四個好喇，但依家未刻意追多個住。」
訪問當日Fiona帶齊三子女前來，依嘩鬼叫無時停，弟弟應該很喜歡兩個家姐，不斷被拍打都笑笑口，好搞笑。三姊弟都好為食，尤其是Keicy，媽媽經常放她的為食相facebook，好多朋友俾Like，想不到竟吸引了美心星探發掘，Fiona說：「有人inbox叫佢去casting，去到淨係扮個好開心同覺得啲食物好好味嘅樣，第二日就通知我哋揀中佢！」就此拍了人生第一個廣告。
美心廣告出街後好多人讚Keicy可愛，封她為新美心妹妹。
美心廣告出道
上一代Celine的美心廣告大受歡迎，Fiona起初都戥女兒擔心，「好驚佢做得唔好有比較，因為Keicy好活躍，去到會跳跳紮影響進度，好彩大家都覺得佢好開心好搞笑，我都放心咗。」
拍攝當日正值午飯時間，有大廚即場烹煮裹蒸，香噴噴的現場環境，令第一次拍廣告的她放鬆心情，與小男生邊食邊玩邊拍，互相餵大家食，成功捕捉了兩人為食可愛的一面。問Keicy為甚麼喜歡美心廣告？「因為有鐘食！」媽媽即時糾正：「係糭！」
廣告出街後反應甚好，外界封Keicy為新美心妹妹，正式踏上小model之路，廣告、報章雜誌及活動接踵而來，不過，兩代美心妹妹未合作過，Keicy都希望將來有機會跟Celine姐姐學習一番。
【晴報專訊】王菲和謝霆鋒復合近一年，已多次傳出她懷孕的消息，正當坊間議論紛紛之際，日前就有網民在巴黎巧遇天后，當時王菲正在購物，正在挑選衣飾的她看來心情相當不錯，不過大家將焦點放在她的紅色鬆身裙上，有網民指她的行為舉止十足一個孕婦；但拍照的那位網民仍覺得王菲仍很纖瘦，只是長裙較鬆身而已。天后是否三度懷孕，相信很快可以揭盅。此外，剛過去的周日是「四哥」謝賢79歲生日，據知，霆鋒昨晚煮一餐「12道鋒味」，而早前回港的Lucas和Quintus亦同行為爺爺慶生。
